Friday 24 August 2012

မူဆလင် ရိုဟင်ဂျာတွေအပေါ် မြန်မာ နိုင်ငံသားတွေရဲ့ သည်းခံနိုင်မှု

  • မူဆလင် ရိုဟင်ဂျာတွေအပေါ် မြန်မာ နိုင်ငံသားတွေရဲ့ သည်းခံနိုင်မှု အားနည်းခြင်းဟာ အမေရိကန် တချို့ရဲ့ မြန်မာနိုင်ငံအပေါ် အမြင်ကို တစုံတရာ ထိခိုက်မှုတွေ ရှိနေပေမယ့် မြန်မာနိုင်ငံ အပေါ် ချမှတ်ထားတဲ့ ပိတ်ဆို့ အရေးယူမှုတွေ လျှော့ချပေးဖို့ ကိစ္စကိုတော့ ဆက်လက် လုပ်ဆောင်သွားမယ်လို့ မြန်မာနိုင်ငံ ဆိုင်ရာ အမေရိကန် သံအမတ်ကြီး မစ္စတာ Derek Mitchell က ပြောလိုက်ပါတယ်။

    အမေရိကန် အခြေစိုက် Wall Street Journal နဲ့ တွေ့ဆုံ မေးမြန်းစဉ်မှာ Mr. Derek Mitchell က အခုလို ပြောလိုက်တာပါ။

    ရခိုင်ပြည်နယ်မှာ အကြမ်းဖက်မှုတွေ လျင်လျင်မြန်မြန် ဖြစ်လာတာ၊ အရှိန်အဟုန်နဲ့ ပျံ့နှံ့သွားတာကို အလွန်ပဲ အံ့သြမိကြောင်း၊ ဒါပေမယ့် ဒီကိစ္စဟာ မိမိတို့ရဲ့ ပိတ်ဆို့ အရေးယူမှု လျှော့ချပေးဖို့ ဆုံးဖြတ်ချက်ကိုတော့ သက်ရောက်မှု မရှိကြောင်း Mr. Derek Mitchell က ပြောပါတယ်။

    နိုင်ငံတကာ အနေနဲ့ အတိတ်ကာလက မြန်မာအစိုးရနဲ့ စစ်တပ်ရဲ့ လူ့အခွင့်အရေး ချိုးဖောက်မှုတွေကိုသာ များသောအားဖြင့် အာရုံစိုက်ခဲ့ကြပေမယ့် အခု ရိုဟင်ဂျာ ကိစ္စမှာ ခွဲခြားဆက်ဆံမှု အတော်များများဟာ သာမန် ပြည်သူတွေရဲ့ ဆောင်ရွက်ချက်တွေ
    ဖြစ်တယ်လို့ အမေရိကန် သံအမတ်ကြီးက ပြောပါတယ်။

    တချို့ မြန်မာနိုင်ငံသားတွေဟာ ရိုဟင်ဂျာတွေ မြန်မာနိုင်ငံမှာ နေထိုင်ပိုင်ခွင့် အခွင့်အရေးကို မေးခွန်း ထုတ်နေတာတွေတောင် ရှိနေတယ် လို့လည်း ဆိုပါတယ်။ အတွေးအခေါ်အရ တိုးတက်သူတွေလို့ သတ်မှတ် ခံထားရသူတွေ၊ နိုင်ငံသားတွေရဲ့ အခွင့်အရေး တောင်းဆို တိုက်ပွဲ ဝင်ခဲ့သူတွေ အပါအဝင် မြန်မာ နိုင်ငံသားတွေ ကြားမှာ သည်းခံနိုင်မှု အားနည်းတာတွေ၊ ခွဲခြား ဆက်ဆံတာတွေကို တွေ့လိုက်ရတဲ့အခါ မိမိအနေနဲ့ စိတ်မသက်မသာ ဖြစ်ရပါတယ်လို့လည်း အမေရိကန် သံအမတ်ကြီးက ပြောပါတယ်။

    ဒီလို အချက်တွေဟာ မိမိတို့နဲ့ သူတို့အကြားမှာ တစုံတရာ အတိုင်းအတာ
    အထိ မတူတဲ့ အမြင်တွေ ရှိနေတယ်ဆိုတာ ထင်ရှားပါတယ်လို့ ပြောပါတယ်။

    တချိန်တည်းမှာပဲ ရခိုင်ပြည်နယ်က ရခိုင် တိုင်းရင်းသားတွေ ခံစားနေရတဲ့ ဒုက္ခ၊ နိုင်ငံတကာ အဖွဲ့အစည်းတွေရဲ့ အကူအညီတွေဟာ ရိုဟင်ဂျာတွေကိုပဲ အသားပေး ကူညီနေတာတွေ အပေါ် ဒေသခံ ရခိုင်တွေရဲ့ ခံစားချက်တွေကို
    လည်း မိမိတို့ ထပ်တူထပ်မျှ နားလည် ခံစားရပါတယ်လို့လည်း Mr. Derek Mitchell က ပြောပါတယ်။

No comments: