ဘင်လာဒင်ကို ဇီဝိန်ကြွေစေခဲ့တဲ့မစ်ရှင်အကြောင်း ထုတ်ဖော်ရေးသားလိုက်တဲ့ No Easy Day စာအုပ်နှင့် တွေးမိသမျှ

Black Angle

Aung Pan

(Sunday, September 23, 2012)
အမေရိကကို အဓိကအထိနာစေခဲ့တဲ့ ၉/၁၁ တိုက်ခိုက်မှုရဲ့ ကြိုးကိုင်ဖခင်ကြီးဖြစ်တဲ့ အိုစမာဘင်လာဒင်ကို ဆယ်စုနှစ်တစ်စုခန့် လိုက်လံခြေရာခံခဲ့ပြီး နောက်ဆုံးမှာတော့ အပြတ်ရှင်းလိုက်နိုင်ပြီဖြစ်ပါတယ်။ သမ္မတအိုဗားမားကိုယ်တိုင် အမေရိကရဲ့အဓိက အောင်ပွဲတစ်ခုအဖြစ် ထုတ်ဖော်ပြောကြားခဲ့ပါတယ်။ အဲ့ဒီနောက်တော့ ထင်မှတ်မထားတဲ့ ဖြစ်ရပ်တစ်ခု ဆက်လက်ပေါ်ပေါက်ခဲ့ပါတယ်။ အဲ့ဒါကတော့ ဘင်လာဒင်ကို သွားရောက်သုတ်သင်ခဲ့တဲ့ Navy Seal အဖွဲ့သား တစ်ယောက်ကနေပြီး သူတို့ရဲ့ဒီ Operation အကြောင်းကို ထုတ်ဖော်ရေးသားပြီး No Easy Day ဆိုတဲ့ခေါင်းစဉ်နဲ့ စာအုပ်အဖြစ်ထုတ်ဝေလိုက်တာပါပဲ။

ဘင်လာဒင်ကို သွားရောက်သုတ်သင်ခဲ့တဲ့အဖွဲ့ဆိုတာ ဘယ်လိုအဖွဲ့မျိုးလည်းဆိုတာတော့ အထူးပြောစရာလိုမယ်မထင်ပါဘူး။ အမေရိကရဲ့ ထိပ်တန်းပစ်မှတ်ကိုရှင်းမယ့် ဒီအဖွဲ့ဟာအကောင်းတကာ့ အကောင်းဆုံးတွေထဲက ရွေးထုတ်လေ့ကျင့်ထားတဲ့ အထူးအဖွဲ့ဖြစ်ပါတယ်။ ဒီအဖွဲ့ဝင်တွေဟာ အမေရိကန်အစိုးရက ချမှတ်ထားတဲ့ တင်းကြပ်တဲ့ စည်းမျဉ်းစည်းကမ်းတွေကို အတိအကျ လိုက်နာပါ့မယ်လို့ ခံဝန်လက်မှတ် ထိုးထားရတဲ့သူတွေပါ။ အဲ့ဒီလိုအဖွဲ့ဝင်က White House,Pentagon,CIA အစရှိတဲ့ အစိုးရအဖွဲ့အစည်းတွေကို အသိမပေးဘဲနဲ့ ယခုလိုအင်မတန် အရေးကြီးတဲ့မစ်ရှင်အကြောင်းကို ဖွင့်ဟလိုက်တဲ့အတွက် အထူးကိုစိတ်ဆိုးဒေါသထွက်နေကြပါတယ်။

အမေရိကန်ကာကွယ်ရေးဝန်ကြီးနဲ့ သတင်းဌာနတစ်ခုတို့ အင်တာဗျူးတစ်ခုမှာ သူ့အနေနဲ့ဒီစာအုပ်အကြောင်းကို လုံးဝမသိလိုက်ကြောင်း။ အမေရိကရဲ့ထိပ်တန်းအဖွဲ့ဖြစ်တဲ့ Navy Seal အဖွဲ့သားတွေအနေနဲ့ သူတို့ဘာကိုလုပ်ရမယ်၊ ဘာကိုမလုပ်ရဘူးဆိုတာကို ကောင်းကောင်းသိနားလည်သူများဖြစ်ကြောင်း၊ ယခုလို အထက်ကိုမတင်ပြဘဲ ဒီစာအုပ်ကိုရေးသားထုတ်ဝေလိုက်တာဟာ မထီမဲ့မြင်လုပ်ရာကျကြောင်း၊ ဒီကိစ္စဟာ National Security ကို ထိပါးနိုင်တဲ့အတွက် လုံးဝမလုပ်သင့်ကြောင်း ပြောဆိုသွားပါတယ်။
အမေရိကန်လို ကမ္ဘာ့ထိပ်တန်းနိုင်ငံကြီးဟာ မိမိနိုင်ငံသူနိုင်ငံသားတို့ရဲ့လုံခြုံရေး၊ မိမိတို့အကျိုးစီးပွားကိုထိခိုက်လာနိုင်တဲ့ ရန်မှန်သမျှကို ကမ္ဘာပတ်ပြီး ရှင်းလင်းသုတ်သင်လေ့ရှိကြပါတယ်။ နိုင်ငံတော်တည်ငြိမ်အေးချမ်းရေးနဲ့ နိုင်ငံတော်တိုးတက်ရေးကို နှောင့်ယှက်ဖျက်ဆီးလာနိုင်တဲ့ ရန်မှန်သမျှကို တွန်းလှန်ဖယ်ရှားဖို့အတွက် အမေရိကန်အစိုးရတွေဟာ မူဝါဒချမှတ်ပြီးသားဖြစ်ပါတယ်။ ဒီမူဝါဒကို အစိုးရအဆက်ဆက်ကနေ အကောင်အထည်ဖော်ဆောင်ရွက်ရပါတယ်။

ရန်အသွယ်သွယ်ဆိုရာမှာ လက်နက်ကိုင်အကြမ်းဖက်သမားများကိုမှ ရန်လို့သတ်မှတ်တာ မဟုတ်ပါဘူး။ ပညာမတတ်တာ၊ မတူညီတဲ့ နိုင်ငံရေးအယူအဆရှိတာ၊ အလွန်အမင်း ဆင်းရဲမွဲတေတာမျိုးတွေဟာလည်း ရန်စာရင်းထဲမှာပါဝင်တာပဲဖြစ်ပါတယ်။ ပညာမတတ်က ဆင်ခြင်တုံတရားနဲမယ်၊ အင်အားနဲရင် အနီးနားရပ်ရွာဝန်းကျင်ကို အန္တရာယ်ပြုမယ်၊ နဲနဲကြီးရင် သက်ဆိုင်ရာပြည်နယ်အစိုးရ၊ နောက် သူနေထိုင်ရာနိုင်ငံ၊ ထို့နောက် ကမ္ဘာအနှံ့အန္တရာယ်ပြုလာနိုင်ပါတယ်။ နိုင်ငံရေးအယူအဆကွဲပြားမှုမှာဆိုရင်
စစ်အုပ်ချုပ်ရေး၊ ဒီမိုကရေစီ၊ ဆိုရှယ်လစ်၊ ကွန်မြူနစ် အစရှိသဖြင့် (မြန်မာနိုင်ငံအနေနဲ့ စနစ်အားလုံးနီးပါးကို စမ်းသပ်ရင်းရသာစုံ သိရှိခံစားဖူးပြီးသားဖြစ်ပါတယ်) အမျိုးမျိုးအဖုံဖုံကွဲပြားခြားနားမှုတွေကနေ နိုင်ငံတစ်နိုင်ငံအတွင်းမှာ မတည်ငြိမ်မှုတွေဖြစ်လာမယ်၊ ထိုသို့တည်ငြိမ်မှုမရှိသော နိုင်ငံတစ်နိုင်ငံမှာ ကောင်းမွန်သောအုပ်ချုပ်မှုစနစ်မရှိဖြစ်လာ၊ ထိုကမှနေ တခြားသောဆိုးကျိုးများဖြစ်သည့် တိုင်းသူပြည်သားများ ပညာတတ်မြောက်မှုလျော့နည်းလာခြင်း၊ ဆင်းရဲမွဲတေမှုမြင့်တက်လာခြင်းစသည့် နောက်ဆက်တွဲဆိုးကျိုးမှန်သမျှဆီကို ဦးတည်သွားစေပါတယ်။

ထိုကဲ့သို့သော သဘောတရားများကို နောကြေနေအောင် သုတေသနပြုလေ့လာထားသော အမေရိကအနေနဲ့ ကမ္ဘာအနှံ့ပညာတတ်မြောက်ရေး၊ ဆင်းရဲမွဲတေမှုလျော့ကျစေရေး၊ လူ့စွမ်းအားအရင်းအမြစ် ဖွံ့ဖြိုးတိုးတက်စေရေးအစရှိသည်တို့ကို အားတက်သရောလုပ်ဆောင်လေ့ရှိကြပါတယ်။ မြန်မာနိုင်ငံကိုလည်း ယခုဆိုရင်ပညာရှင် အမြောက်အမြားဝင်ရောက်လာပြီး မြန်မာနိုင်ငံထိပ်ပိုင်းခေါင်းဆောင်များမှစ၍ Capacity Building လိုသင်တန်းမျိုးကို သင်ကြားပေးဖို့လိုအပ်ကြောင်း အကြံပြုပြောဆိုသွားပါတယ်။ အာဏာရထိပ်ပိုင်းကလူတွေ ရှိသင့်တဲ့အသိဥာဏ်မရှိဘဲ ဆုံးဖြတ်ချက်အလွဲတွေသာချမှတ်နေပါက ဒီနိုင်ငံအခြေအနေ ပြန်လည်ဆိုးဝါးသွားနိုင်ကြောင်းကို ကမ္ဘာကျော်ပညာရှင်များအနေနဲ့ အလွယ်တကူမြင်ကြမှာ ပြောစရာပင်မလိုလှပေ။
ပညာ၏သဘောမှာလည်း ပညာရပ်တစ်ခုတွင် ထိုးထွင်းသိမြင်နားလည်သောသူအနေနှင့် တခြားသူတစ်ဦးနှင့် စကားအနည်းငယ်ပြောဆိုကြည့်ရုံဖြင့် ထိုသူ၏သိနားလည်မှု အတိမ်အနက်ကို လွယ်ကူစွာခန့်မှန်းနိုင်လေသည်။ ထို့ကြောင့် ဆရာကြီးသမားကြီးများမှ လူငယ်များကို စာဖတ်ကြပါ၊ စာဖတ်ကြပါဟု တွင်တွင်ပြောဆိုနေကြခြင်းဖြစ်လေသည်။ မသိသောသူများ လေကျယ်ကျယ်နှင့် ပြောဆိုနေကြခြင်းသည် နားမလည်သောသူများအတွက် အထင်ကြီးစရာဖြစ်သော်လည်း တတ်ကျွမ်းနားလည်သူနှင့် တွေ့သည့်အခါ ရှက်ဖွယ်ပင်ဖြစ်သည်။ ပညာရည်ပြည့်ဝသောသူများမှ ထိုသို့သောသူနှင့်တွေ့သည်နှင့် ထိုသူသည်မည်ကဲ့သို့သော အခြေခံသဘောတရားများကိုပင် သိကျွမ်းခြင်းမရှိဘဲ ပြောဆိုနေကြောင်းကို သိရှိခန့်မှန်းနိုင်လေသည်။ ရပ်ကွက်ထဲကသာမာန်လူငယ်လေးတစ်ယောက် ထိုသို့ပြောဆိုလုပ်ကိုင်နေက အကြောင်းမဟုတ်ပေ။ နောက်လိုက်ပရိသတ်များသော ပညာတတ်များနှင့် ရာထူးအာဏာရှိသူများသာ ထိုကဲ့သို့ဖြစ်နေပါက အန္တရာယ်ကြီးမားလှပေသည်။

အမြော်အမြင်ကြီးမားထက်မြက်သော ခေါင်းဆောင်များလက်အောက်ရှိနိုင်ငံများက ကမ္ဘာပတ်ပြီး ကိုယ်ကျိုးစီးပွားကို ကာကွယ်နေကြချိန်တွင် မိမိနိုင်ငံတွင်တော့ ပြည်တွင်းစစ်မီးက ဆက်လက်တောင်လောင်နေဆဲပင်ဖြစ်လေသည်။ အမေရိကအပေါ်ကျရောက်လာနိုင်တဲ့ အန္တရာယ်တွေကို တိုက်ဖျက်ဖို့အတွက် အမေရိကန်စစ်စခန်းများက ကမ္ဘာအနှံ့၊ အမေရိကသို့ ရေနံသွယ်ယူရာ လမ်းကြောင်းများ ဖြောင့်ဖြူးဖို့အတွက် (အမေရိကရဲ့ အကြီးဆုံးရေနံ Company တစ်ခုရဲ့ ဥက္ကဌတစ်ရောက် TED Talk မှာ ပြောကြားသွားတာပါ) အမေရိကန်စစ်သင်္ဘောကြီးများက ပင်လယ်ပြင်မှာ ရွက်လွှင့်လျက်ရှိကြလေသည်။ မိမိမြေပေါ်သို့ ရန်မရောက်ခင်ကတည်းက သူတို့ကချေမှုန်းဖို့ ကြိုးစားကြသည်။ မိမိမြေပေါ်သို့ရောက်မှ ချေမှုန်းမည်ဆိုက ကိုယ့်အခြေခံအဆောက်အဦးတွေ ပျက်စီးဆုံးရှုံးမည်၊ ကိုယ့်လူမျိုး (အရပ်သားများပါ) များ အသက်ဆုံးရှုံးကြရမည်ကို မလိုလားပေ။ ထို့ကြောင့် ငွေဘယ်လောက်ကုန်ကုန် အဖွဲ့များကိုကမ္ဘာအနှံ့ ဖြန့်ကျက်ထားလေသည်။
မောင်မျိုး (စက်မှု)
(ဒုတိယပိုင်းဆက်လက်ရေးသားဖော်ပြပါမည်။)
http://www.mgmyo.com/2012/09/no-easy-day.htmlLike · · Share · about an hour ago

• 
  
• အက်ရှင်ဘဘ ဒီမို and 28 others like this.
• 20 shares
• 

  Dngyi Waiangel ဒီလို ဗဟုသုတဖြစ်ဖွယ်တွေ ဖတ်ရလို့ကျေးဇူးတင်ပါတယ်

  about an hour ago · Like
• 

  Aung Myat တကယ့်အနှစ်သာရ တွေဖတ်၇တာပဲ ၊ ကျေးဇူးပါ

  about an hour ago · Like
• 

  Nanda Setu ကောင်းတယ် ထင်တဲ့အရာတွေကို Share ပေးတာပါ....

  about an hour ago · Like