သတင်းထုတ်ပြန်ချက် မရှင်းဘူးတဲ့။

 

Ye Chan shared Ponnya Swe / ပုညဆွေ's photo.

သိန်းစိန်ထုတ်သမျှ ပျင်းရိငြီးငွေ့ဘွယ်စာတိုင်းမှာ အမိန့်တိုင်းမှာဆိုပါစို့။ စာရဲ့ အောက်ခြေမှာ ပုံ သိန်းစိန်ဆိုပြီးတပ်ရပါတယ်။ အခု စုံစမ်းစစ်ဆေးရေးကော်မရှင်ရဲ့ ဥက္ကဌ က ဒေါ်အောင်ဆန်းစုကြည်ပါ။ နိုင်ငံတော်သမ္မတဆီတင်ဲပရမည့် နောက်ဆုံးနေ့က ဇန်န္န၀ါရီလ ကုန်ပါ။ အခု သတင်းစာထဲမှာ စုံစမ်းစစ်ဆေးရေးကော်မရှင်ရဲ့သတင်းထုတ်ပြန်ချက်ဆိုပြီးပါလာတယ်။ စာရဲ့ အောက်မှာ ပုံ ဒေါ်အောင်ဆန်းစုကြည်ဆိုပြီးလည်းမပါ။ ဘယ်သူဘယ်ဝါဆိုပြီးရေးသားဖော်ပြထားခြင်းမရှိကတည်းက အဲဒီ လိုမျိုးသတင်းထုတ်ပြန်ချက်ကိုပြည်သူတွေက ဘယ်လိုယုံကြည်ရမလဲ။ အစိုးရရဲ့သတင်းစာက သတင်းလိမ်တွေများရေးလေ့ရှိသလား။ စဉ်းစားစရာဘဲ။

စုံစမ်းစစ်ဆေးရေး ကော်မရှင် သတင်းထုတ်ပြန်ချက်
=============================

ပြည်ထောင်စုသမ္မတမြန်မာနိုင်ငံတော်
စုံစမ်းစစ်ဆေးရေးကော်မရှင်

သတင်းထုတ်ပြန်ချက် (၂/၂၀၁၂)
၂၀၁၂ ခုနှစ်၊ ဒီဇင်ဘာလ ၁၅ ရက်
၁၃၇၄ ခု၊ နတ်တော်လဆန်း ၂ ရက်

၁။ စစ်ကိုင်းတိုင်းဒေသကြီး၊ မုံရွာခရိုင်၊ ဆားလင်းကြီးမြို့နယ်အတွင်းရှိ လက်ပံတောင်းတောင် ကြေးနီစီမံကိန်း ရပ်ဆိုင်းရေး အတွက် သပိတ်စခန်းများ ဖွင့်လှစ် ဆောင်ရွက်နေမှုအား ၂၀၁၂ ခုနှစ်၊ နိုဝင်ဘာလ ၂၉ ရက်နေ့တွင် မြန်မာနိုင်ငံ ရဲတပ်ဖွဲ့မှ မီးခိုးဗုံးများ အသုံးပြုပြီး လူစုခွဲ ဆောင်ရွက်ခဲ့ရာ၌ သံဃာတော်အချို့နှင့် လူပုဂ္ဂိုလ်အချို့တို့မှာ မီးလောင်ဒဏ်ရာ ရရှိခဲ့ပါသည်။

၂။ ကော်မရှင် အနေဖြင့် အဆိုပါ မီးလောင်ဒဏ်ရာ ရသည့် လူနာများအား မန္တလေးမြို့ရှိ ပြည်သူ့ဆေးရုံကြီးနှင့် ကန်တော်နဒီ ဆေးရုံများသို့ သွားရောက် ကြည့်ရှုခဲ့ပြီး ဆေးကုသမှုများအား စစ်ဆေးခဲ့ပါသည်။

၃။ နိုင်ငံတော်သည် မီးလောင်ဒဏ်ရာရရှိခဲ့သည့် လူနာများအား တာဝန်ယူလျက် ရှိပါသည်။ ထိုင်းနိုင်ငံတွင် ဆေးကုသရန် လိုအပ်သော သံဃာတော် ဦးတိက္ခဉာဏအား ဘန်ကောက်ဆေး ရုံကြီးတွင် ဆေးကုသမှု ပြုလုပ်နိုင်ရန် နိုင်ငံတော်မှ ထိုင်းဘတ်ငွေ (၁)သန်းတိတိကိုလည်း ၁၄-၁၂-၂၀၁၂ ရက်နေ့တွင် ဘန်ကောက်ဆေးရုံကြီးသို့ လွှဲပြောင်းပေးပို့ခဲ့သည်ကို တွေ့ရှိရပါသည်။

၎။ နိုင်ငံတော်မှ ထိုသို့ တာဝန်ယူ ဆောင်ရွက်နေရာတွင် အကူအညီ လိုအပ်မှုများကို စုံစမ်းစစ်ဆေးရေး ကော်မရှင်သို့ ဆက်သွယ် တောင်းခံနိုင်ပါကြောင်း အသိပေး အကြောင်းကြားအပ်ပါသည်။

source::http://www.ministryofinformation.gov.mm/index.php/announcement/1701-2012-12-16-03-01-06.html

Yangon Media Group

• Share

---