အပြစ်တင် မစောပါနှင့်
တခါက ဆင်းရဲသားရပ်ကွက် ထဲကို အပျိုကြီးတစ်ယောက် အိမ်ပြောင်းလာတယ် ။ သူပြောင်းလာတဲ့ အိမ်ဘေး ကပ်ရပ်မှာ နုံချာတဲ့မိသားစုလေးတစုရှိပါတယ် ။ မုဆိုးမတစ်ယောက်နဲ့ သူ့ကလေးနှစ်ယောက်ပေါ့..
အပျိုကြီးက
"မတတ်နိုင်ဘူးလေ..ဒီနေရာရောက်မှတော့..ဒီလိုလူမျိုးတွေနဲ့ ပတ်သတ်ရဦးမှာပေါ့.." လို့ သူ့ဘာသာတွေးပြီး စိတ်ပျက်သွားမိတယ် ။
အဲ့ညမှာပဲ ထုံးစံအတိုင်း ရပ်ကွက်မီးက ရုတ်တရက် ပျက်သွားခဲ့တယ်။
မီးပျက်တော့ အမျိုးသမီးက ဖယောင်းတိုင်ထွန်းဖို့
သူ့ဖယောင်းတိုင်ထုပ်ကိုလိုက်ရှာတာပေါ့ .. ခဏနေတော့ သူရှာတွေ့သွားတယ်..
တွေ့ပြီးတော့ သိပ်မကြာပါဘူး… တစ်စုံတစ်ယောက်က သူ့အိမ်တံခါးလာခေါက်တာကို သူကြားလိုက်မိတယ်။
တံခါးဖွင့်ကြည့်တော့ ဘေးအိမ်က ကလေးငယ်တစ်ယောက်က စိတ်လှုပ်ရှားတဲ့အသံနဲ့
“အန်တီ.. အန်တီတို့အိမ်မှာ ဖယောင်းတိုင်ရှိလား” လို့ မေးလိုက်တယ်။
အမျိုးသမီးက "အင်း.. ဆင်းရဲလွန်းလို့ ဖယောင်းတိုင်တောင်
မဝယ်နိုင်ပါလားနော် ... ဒါပေမယ့် ခဏခဏ လာတောင်းနေမှာစိုးရတယ်။
ပေးလို့မဖြစ်ဘူး..” လို့တွေးပြီး
“မရှိဘူး” လို့ အသံမာမာနဲ့ အော်ပြီး တံခါးပိတ်ဖို့ ပြင်လိုက်တယ်။
အဲဒီအချိန်မှာ ကလေးငယ်က ပြုံးပြီး
“ထင်သားပဲ ... အန်တီက အခုမှ အိမ်ပြောင်းလာတာဆိုတော့ ဖယောင်းတိုင်
မပါလောက်ဘူးဆိုပြီး မှောင်မဲမဲထဲမှာ အန်တီကြောက်နေမှာစိုးလို့ သမီးက
ဖယောင်းတိုင် လာပို့တာ” လို့ပြောပြီး အဖာတွေထပ်နေတဲ့အင်္ကျီအိတ်ထဲက
ဖယောင်းတိုင်လေးကို ထုတ်ပေးလိုက်တယ် ။
အမျိုးသမီးကတော့ ကိုယ့်ကိုယ်ကို ရှက်မိပြီး ဘာမှပြန်မပြောနိုင်ဘဲ မျက်ရည်ဝဲ၀ဲနဲ့ ကလေးငယ်လေးကိုတင်းတင်းကျပ်ကျပ်
ပွေ့ဖက်ထားလိုက်ပါတော့တယ်။
★ပိုးဟပ်ဖြူ★
အေးချမ်းမွန်မှ Heart Canteen တွင်ဖော်ပြသော သတင်းကို မူရင်းအတိုင်းမျှဝေခြင်းဖြစ်ပါသည်
No comments:
Post a Comment