မြန်မာ ပါလီမန်အမတ်တွေ ချင်းမိုင်မှာ အုပ်ချုပ်ရေးဆိုင်ရာ သင်တန်းတက်ဖို့ရောက်ရှိ

RFA Burmese

ထိုင်းနိုင်ငံ ချင်းမိုင်တက္ကသိုလ်မှာ ဒေသန္တရ အုပ်ချုပ်ရေးဆိုင်ရာ ပညာရပ်တွေ လေ့လာသင်ကြားနိုင်ဖို့ မြန်မာနိုင်ငံက ပြည်သူ့လွတ်တော် ကိုယ်စားလှယ်တွေနဲ့ နိုင်ငံရေးပါတီခေါင်းဆောင်တွေ စုစုပေါင်း ၂၀ ခန့် ဒီကနေ့ ညနေပိုင်းမှာ ချင်းမိုင်မြို့ ကို ရောက်ရှိလာပါတယ်။ သြဂုတ်လ ၁၇ ရက်နေ့ ကစပြီး ၂ပတ်ကြာ ပြုလုပ်မယ့် ဒီသင်တန်းမှာ ချင်းမိုင် တက္ကသိုလ်က ဆရာတွေက ဒေသန္တရ အုပ်ချူပ်ရေးပိုင်းဆိုင်ရာတွေကို သင်ကြားပို့ချသွားမှာဖြစ်ကြောင်း ဒီသင်တန်းကို စီစဉ်ခဲ့တဲ့ ချင်းမိုင်အခြေစိုက် ဗဟု ဖွံ့ဖြိုးမှုအဖွဲ့ရဲ့ ခေါင်းဆောင်တဦးဖြစ်သူ ဦးအောင်သူငြိမ်း က အာအက်ဖ်အေ ကို ပြောပါတယ်။

"အဓိကတော့ ကျနော်တို့ သင်တန်းက ဒေသန္တာရ အုပ်ချူပ်ရေးပေါ့၊ ဆိုတော့ အထူးသဖြင့် ပါတဲ့အမတ်တွေကတော့ ပြည်နယ်တိုင်း အဆင့်ကအမတ်တွေပိုများပါတယ်၊ မှန်းခြေ ၂၀ လောက်ရှိမယ်၊ အကုန်အမတ်တွေကြည့်ပဲ မဟုတ်ဘူးဗျ တခြား နိုင်ငံရေး ပါတီတွေလည်း ပါတယ်ဗျ၊ သူတို့တွေကတော့ အထူးသဖြင့် ချင်းမိုင် တက္ကသိုလ်က ဆရာတွေလည်း ပို့ချမယ်၊ ပြီးတော့ ထိုင်းမှာလုပ်ခဲ့တဲ့ အောက်ခြေ ဒေသန္တာရ အုပ်ချူပ်ရေး အတွေ့အကြုံတွေပါ သူတို့လေ့လာမယ်၊ ကျနော်တို့ကတော့ တချို့ သီအိုရီ သဘောမျိုး ပို့ချတာ ပါမယ်၊ နောက်တခါကျတော့ တချို့ အုပ်ချူပ်ရေးကိစ္စနဲ့ပတ်သက်တဲ့ ဟာမျိုးတချို့ ပို့ချတာ ပါမယ်။"

ဒီသင်တန်းမှာ ဒဂုံဆိပ်ကမ်းမြို့နယ်က ပြည်သူ့လွတ်တော်ကိုယ်စားလှယ် ဦးကြီးမြင့်၊ ၊ မရမ်းကုန်းမြို့နယ် ကိုယ်စားလှယ် ဒေါ်ခင်ဖြူဖြူငြိမ်း၊ မန္တလေးတိုင်း တံတားဦးမြို့နယ် ကိုယ်စားလှယ် ဦးနန်းထိုက် နဲ့ ကချင်ပြည်နယ် မိုးကောင်းမြို့နယ် ကိုယ်စားလှယ် ဦးမြတ်မိုးမြင့် တို့အပါအ၀င် နိုင်ငံရေးပါတီ ခေါင်းဆောင်တချို့လည်း ပါဝင်ကြတယ်လို့ သိရပါတယ်။